తాజాగా జరిపిన ఓ సర్వే ప్రకారం ఇంటర్నెట్ బ్రౌజింగ్లో నెటిజన్లు పీసీల కంటే కూడా సెల్ఫోన్లనే ఎక్కువగా వాడుతున్నారని వెల్లడైంది. ఈ-మెయిల్స్ చూసుకోవడం, వార్తలు చదువుకోవడం, క్రీడా వార్తలు తెలుసుకోవడం, సోషల్నెట్వర్కింగ్ సైట్లను వీక్షించడం వంటి రోజువారీ అవసరాలకు పీసీల కంటే కూడా సెల్ఫోన్ల మీదే ఎక్కువ మంది నెటిజన్లు ఆధారపడుతున్నారని సర్వేలో తెలిసింది. రెండేళ్ల క్రితం మార్కెట్లోకి ఐఫోన్ వచ్చినప్పటి నుంచీ ఈ పరిస్థితి పెరిగిందన్నారు. ఇంటర్నెట్ను వీక్షించే మూడు పదుల వయసు వారిలో సగానికి పైగా సెల్ఫోన్ పైనే ఆధారపడుతున్నారని ఈ సర్వేలో వెల్లడైంది. వారి వద్ద పీసీలు ఉన్నప్పటికీ వాటిని వినియోగించకుండా నెట్ బ్రౌజింగ్ కోసం సెల్ఫోన్ల మీదే వీరు ఆధారపడుతున్నట్లు సర్వేలో తెలిసింది.
