బాక్టీరియాపై మొక్కల యుద్ధం

'ఆల్పైన్‌ పెన్నీక్రెస్‌' మొక్కను బాక్టీరియా ఇన్‌ఫెక్షన్ల నివారణకు వాడవచ్చంటున్నారు ఆక్స్‌ఫర్డ్‌ వర్సిటీకి చెందిన డాక్టర్‌ గెయిల్‌ ప్రెస్టన్‌. వీటి ఆకులకు అద్భుత ఔషధ గుణాలున్నట్లు వారు చెబుతున్నారు. 'ఆల్పైన్‌ పెన్నీక్రెస్‌' అడవిపూల మొక్క ఆకులన్నీ జింక్‌, నికెల్‌, కాడ్మియం వంటి ఖనిజాల సమ్మిళితం.  ఈ ఆకులు అంటు వ్యాధులను నివారించే రక్షణ కవచాల్లాంటివి. ఆవమొక్కల కుటుంబానికి చెందిన ఈ మొక్కను 'ఆల్పైన్‌ పెన్నీక్రెస్‌' గా వ్యవహరిస్తున్నారు. ఐరోపా, బ్రిటన్‌లలో ఏపుగా పెరుగుతున్నట్లు శాస్త్రవేత్తలు తెలిపారు. ఒకప్పుడు మైనింగ్‌ బాగా జరిగిన ప్రాంతాల్లోనే ఇవి అధికంగా కనిపిస్తున్నాయని డాక్టర్‌ గెయిల్‌ ప్రెస్టన్‌ వెల్లడించారు.