పరీక్షల్లో రాకపోతే
మీకు మంచి మార్కులు,
కలెక్టర్లు కాదు, మీరు
కాగలరట క్లర్కులు!
ఆటపాటలసలేమీ
వద్దని కా దర్థం,
ఎంతో విలువైన టైము,
చేయరాదు వ్యర్థం!
వారానికి ఒక్కసారి
చాలు మీకు వీడియో,
అప్పుడపుడు వినవచ్చును
వీలయితే రేడియో!
వ్యసనంగా మారరాదు
ఇంటివద్ద టీ.వీ.
సండే ఉదయాన తప్ప
పనికొచ్చే వేవీ?
కళ్ళు ఉరిమి చూసిందని
నిన్ను క్లాసు టీచరు,
అమ్మకి మొరపెట్టరాదు,
తనొక పూరు క్రీచరు!
వచ్చే సంచిక వరకూ
చాలును ఈ పాఠం
నాకూ వేరే వున్నది
కద ఒక జంఝాటం!
- దేవీప్రియ అంకుల్
