పెదవుల చెరగని చిరునవ్వు
ఆ మహనీయుడు ఎవరనుకున్నావు?
అతడే అతడే చాచా నెహ్రూ!
చాచానెహ్రూ చేతుల లోనిది
శాంతికి చిహ్నం తెల్లపావురం!
ప్రపంచ శాంతికి ...... శ్రమించిన
మన నెహ్రూజి మహామనీషి!
సమతా మమతా పెంచెను మనలో
చాచా లక్ష్యం దేశాభ్యుదయం
ఔన్నత్యంలో హిమగిరి అతడు
చిన్నారులకూ నేస్తం అతడు
కులం మతం అను కుటీలత్వాన్నీ
తొలగించాడీ 'భారతరత్న'!
ఆ మహనీయుడు ఎవరనుకున్నావు
అతడే అతడే మన చాచాజీ!
'చాచా చెప్పిన మాటలు మరువం,
తూచా తప్పక పాటిస్తాం' అని
మన నెహ్రూజి పుట్టిన రోజున
మనమందరమూ ప్రతినలు చేద్దాం!
-ఈదుపల్లి వెంకటేశ్వరరావు
